Federata Shqiptare e Basketbollit shpreh mirënjohjen e saj për Bashkinë Shkodër, për mbështetjen dhe bashkëpunimin e shkëlqyer në organizimin e “FIBA U18 EuroBasket Shkodra 2025 – Divizioni C”, një event me rëndësi të veçantë për basketbollin shqiptar dhe për promovimin e sportit në nivel ndërkombëtar.
Po ashtu, vlerësojmë kontributin e dhënë në zhvillimin e ndeshjes së ekipit kombëtar të meshkujve Shqipëri – Kosovë, e cila u zhvillua në nëntor 2025 në Pallatin e Sportit “Qazim Dervishi”, Shkodër, duke krijuar një atmosferë dinjitoze, mikpritëse dhe emocionuese për sportistët dhe tifozët.
Ky bashkëpunim tregon rëndësinë e partneritetit mes institucioneve për zhvillimin e sportit, forcimin e aktiviteteve ndërkombëtare dhe promovimin e vlerave sportive në qytetin e Shkodrës dhe më gjerë.
