KËLN 1-2 BAJERN MYNIH (Ljubiçiç (P) 81′ / Koman 8′, Musiala 90′)
Bayern Munich ka fituar titullin kampion të Bundesligës për të 11-ën herë me radhë, duke mposhtur Kolnin me rezultat 2-1 në kuadër të javës së 34-të. Ishte një fund dramatik në ligën gjermane, pasi Bavarezët ia dolën ta merrnin titullin nga dora e Borussia Dortmundit që barazoi 2-2 në shtëpi me Mainzin.
Pas vetëm tetë minutash lojë, Bayerni kaloi në epërsi me golin e Kingsley Coman, që u asistua prej Leroy Sanes.
Pjesa e dytë nisi me një qetësi, por në minutën e 81’ Këlni barazoi për t’i dhënë shpresë Dortmundit, i cili kishte gjetur rrjetën me Gerreiron, por në të 90’ ishte Xhamal Musiala i cili kaloi sërish në avantazh bavarezët, për t’i dhënë atyre titullin e 11-të radhazi, teksa goli i Zyles në minutën e 96’, nuk i shërbeu verdhezinjve.
Kështu Bajerni shpallet kampion, edhe pse me pikë të barabarta, pasi golavarazhi flet dukshëm për bavarezët.
