Ndeshja e së dieles, Vllaznia-Tirana, e cila siç është bërë me dije edhe më heret, duhej të luhej në Shkodër, por për arsye të rimbjelljes së barit në stadiumin “Loro Boriçi” është spostuar të luhet në stadiumin “Selman Stërmasi” të kryeqytetit, ditën e diele duke filluar nga ora 13:00, pritet të ketë një interesim të madh nga ana e tifozërive të të dyja palëve.
Në prag të kësaj ndeshje, përmes një njoftimi në fazen zyrtare të KF Tirana, klubi bardheblu ka bërë të ditur edhe çmimet e biletave, të cilat, sipas tribunave përkatëse, variojnë, nga 300 lekë deri në 1000 lekë.
Konkretisht, çmimi prej 300 lekësh do të jetë në tribunat C, D, E, F dhe G do të kushtojnë 300 lekë të rinj. Në tribunat A dhe B, çmimi do të jetë 1000 lekë.
Ndërkohë, për tifozërinë shkodrane është rezervuar tribuba H, dhe çmimi i saj do të jetë po aq sa edhe tribunat e tjera C, D, E, F dhe G, 300 lekë.
Biletat në fjalë të takimit, Tirana-Vllaznia, mund t’i gjeni në biletarinë pranë stadiumit “Selman Stërmasi”.”
