Tuesday, April 23, 2024

Përplasja në finalen e botërorit, Materazzi komenton goditjen fatale me kokë që mori nga Zidane: Zidane më ofroi fanellën e tij dhe unë thashë jo, se preferova motrën e tij. Më pas ai u kthye dhe reagoi siç e kujtojnë të gjithë…

Lexo

Ish-mbrojtësi i Interit kujton edhe vitet e tij me zikaltërit: “Po të kishte qëndruar Mou do të kishim fituar sërish”

Marco Materazzi flet për veten në një intervistë për Times dhe i rikthehet natës së finales së Berlinit kundër Francës dhe goditjes me kokë që mori nga Zidane: “Nuk më pëlqen. Nuk përputhet me atë që ka qenë karriera ime. Ai episod nuk duhet të kishte ndodhur kurrë. Në tensionin e asaj finale të Berlinit, mes grindjeve dhe ofendimeve, Zidane më ofroi fanellën e tij dhe unë thashë jo, se preferova motrën e tij. Më pas ai u kthye dhe reagoi siç e kujtojnë të gjithë. Nuk e pashë kurrë më Zinedine”.

Protagonisti i ndeshjeve miqësore të organizuara me ish-shokët e tij të Interit, Materazzi kujtoi edhe vitet e tij në fushë me fanellën e zikaltërve: “Të ndash sërish fushën me njerëz si Julio Cesar, Maicon, Zanetti, Lucio, Sneijder, Cambiasso, Figo apo Diego Milito, është një përzierje lumturie dhe nostalgjie. Ajo që më mungon më shumë është dhoma e zhveshjes. Ajo ndjesi e të pasurit një familje jashtë tëndes, njerëz me të cilët jeton çdo ditë dhe me të cilët ndan gjithçka”.

Trajneri i atij ekipi fitues të trefishtë ishte José Mourinho: “Trajneri më i mirë që kam pasur. Isha mësuar të isha i rëndësishëm, të isha kapiten, por me Mourinhon fillova të humbas rëndësinë. Por ai ishte i sinqertë me mua që nga momenti i parë”.

Nga finalja e Berlinit në atë të Madridit: “Kemi qarë. E pyeta pse po largohej, pse na la vetëm? Isha i bindur se me Mourinhon mund të vazhdonim të fitonim, ndoshta jo një tjetër Champions League, por tituj të tjerë. Por ai kishte vendosur tashmë të largohej për te Real Madrid”.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img