Kombëtarja shqiptare e boksit është nisur sot drejt Budvës së Malit të Zi, aty ku pasditen e së dielës do të zhvillohet Turneu Europian EUBC Cup me pjesëmarrjen e 31shteteve.
Nën drejtimin e dyshes së trajnerëve të Vllaznisë dhe të kombëtares shqiptare, Zef Gjoni dhe kolegut të tij Lazarin Vila, për ngjyrat kuqezi do të konkurojnë katër boksierë, 3 të Vllaznisë, Arjon Kajoshi, Gelian Rajku, Senad Drini, dhe Arjol Zeneli i Flamurtarit.
Pas këtij aktiviteti, për boksin shqiptar në program janë edhe disa aktivitete të rëndësishme, Kampionati Europian i 22 vjeçarëve, si dhe katër ndeshje profesioniste, një në Angli, dy Shqipëri si dhe një në Frankfurt në muajin dhjetor.
Lista e ekipit përfaqësues të Shqipërisë në Europianin e Budvës:
- Arjol Zeneli kategoria 54 kg
- Arjon Kajoshi kategoria 75 kg
- Senad Drini kategoria 80 kg
- Gelian Rojku kategoria 92 kg
Trajnerë të ekipit kombëtar, janë: Zef Gjoni dhe Lazarin Vila.
(Video) Trajneri i ekipit kombëtar, Zef Gjoni, flet në prag të Turneut Europian të Boksit në Budva-Mali i Zi, synohen medalje)
