Golden Eagle Ylli-Sigal Prishtina 76-67
(17:16, 23:14, 15:18, 21:19)
E diel, 17 teor 2021, ora 19.00, pallati i sportit “Qazim Dervishi” Shkodër
Golden Eagle Ylli ka fituar Superkupën Mbarëkombëtare, duke mundur Sigal Prishtinën me rezultat 76:67 (17:16, 23:14, 15:18, 21:19), ndeshje kjo e luajtur mbrëmjen e së dieles në pallatin e sportit “Qazim Dervishi” të qytetit të Shkodrës.
Fillimi i ndeshjes ishte i barabartë dhe kjo u karakterizua gjatë gjithë çerekut të parë, ku asnjëra skuadër nuk arrinte të shkëputej në rezultat dhe kjo pjesë përfundon 17:16.
Skuadra nga Theranda ishte më e mirë në periudhën e dytë, duke qenë efikase në sulm dhe me mbrojtje të fortë arriti që të ketë epërsi deri në 13 pikë, 40:27, ndërsa pjesa e parë përfundon me rezultat 40:30.
Therandasit ishin në epërsi edhe gjatë periodës së tretë, duke e kontrolluar lojën, për të qenë në epërsi konstante, kurse prishtinasit nuk arrinin të afrojnë rezultatin. Pas një lojë të barabartë, rezultati në semafor pas 30 minutash ishte 55:48. Prishtina nuk u dorëzua dhe ngushtoi shifrat në 67:63, por pa arritur të bëjë më shumë dhe Golden Eagle Ylli triumfoi me rezultat 76:67.
Kupën kapitenit të Golden Eagle Yllit, Gëzim Morina, ia dorëzoi kryetari i Bordit të Ligës Unike, Ilir Trebicka.
MVP u shpall Mikaile Tmusiq, ndërsa çmimin ia dorëzoi Drejtori i Ligës Unike, Dren Zatriqi.
Më herët Golden Eagle Ylli ka fituar Ligën Unike, dy trofetë e deritashëm në këtë garë.
(Video) Pamje nga momentet e fundit të ndeshjes Golden Eagle Ylli-Sigal Prishtina 76-67, luajtur mbrëmjen e së dieles në Shkodër.
