I pranishëm në ambientet e “Shtëpisë së Futbollit” gjatë hedhjes së shortit për gjysëmfinalet e Kupës së Shqipërisë ishte edhe Drejtori Sportiv i KF Vllaznia, Tefik Osmani.
Pas fiksimit të dy çifteve gjysëmfinaliste, Egnatia-Vllaznia, dhe Kukësi-Tirana, drejtori Osmani komentoi për mediat e pranishme, çiftet në fjalë. Duke u ndalur tek dueli, Egnatia-Vllaznia, Osmani u shpreh optimist për kualifikimin e Vllaznisë, ku padyshim ndeshja e dytë që do të luhet me datë 24 prill në “Loro Boriçi” pritet të jetë më e favorshme për kuqeblutë.
Gjatë prononcimit të tij për median, drejtori sportiv Tefik Omani foli edhe për vizitën e Kryeminisrit Rama në ekipin e Vllaznisë pak ditë më parë, ku ndër të tjera, kërkoi nga media dhe opinion sportiv që të mos ketë interpretime për favore ndaj skuadrës kuqeblu, sepse djemtë e Vllaznisë meritojnë respekt për punën dhe sakrificat që po bëjnë në fushën e lojës.
(Video) Më gjërërisht ndiqni prononcimin e dhënë nga ana Drejtorit Sportiv të KF Vllaznia, Tefik Osmani, dhënë menjëherë pas hedhjes së shortit gjysëmfinal gjysëmfinal të Kupës së Shqipërisë.