Thursday, February 29, 2024

Barcelona, jashtë Champions League

Lexo

Problemet financiare rrezikojnë përjashtimin e skuadrës blaugrane nga edicioni i ardhshëm

Vazhdojnë të fryejnë erëra të këqia për të ardhmen e Barcelonës. Sikur të mos mjaftonin tensionet e brendshme të kohëve të fundit, pasojë e rezultateve zhgënjyese të skuadrës dhe ftohtësisë së presidentit Laporta me trajnerin Ksavi, shtuar edhe ndonjë tension në brendësi të dhomave të zhveshjes, vjen dhe të kthehet e të flitet për situatën e vështirë ekonomiko-financiare që ka rrethuar skuadrën blaugrane.

Sipas asaj që raporton e përditshmja gjermane “Velt am Sontag”, që citon burime të afërta pranë UEFA-s dhe të vetë klubit katalanas, Barcelona rrezikon në fakt përjashtimin nga edicioni i ardhshëm i Ligës së Kampioneve. Një version i ndryshëm i së përditshmes spanjolle AS, së cilës UEFA nuk do të kishte dashur t’i besonte dhe ta konfirmonte si lajm. Kjo në bazë të atij vendimi përfundimtar që Komiteti Ekzekutiv do të marrë mbështetur në vetë kontrollin financiar të UEFA-s. Bëhet fjalë për një organizëm të pavarur. i cili mund të vendosë sanksione në rast të dhunimit financiar. Gjithnjë sipas “Velt am Sontag” motivi i sanksioneve të mundshme për Barcelonën është mungesa e respektimit të normave financiare të UEFA-s, që parashikon detyrimin e klubeve për të kompensuar shpenzimet dhe hyrjet e tre viteve të fundit.

Në shtator Barcelona kishte njoftuar një fitim neto prej 304 milion eurosh, e dhënë që të bënte të mendohej se sanksionet do të ishin zeruar, por rregulli parashikon vetëm faturimet direkte të lidhura me sezonin futbollistik. Në fakt në brendësi të shifrës së deklaruar nga Barcelona janë të përfshira disa milion euro të lidhura me shitjen e parakohshme të të drejtave televizive për sezonet e ardhshme. Që nga këtu rrezikohet një përjashtim nga Liga e Kampioneve për një periudhë nga dy deri në tre vjet, gjithnjë sipas të përditshmes gjermane. Klubi katalanas ka bërë të ditur në fakt që nuk është në dijeni të këtyre hetimeve. Megjithatë, Barcelona rrezikon të mbetet jashtë Ligës së Kampioneve.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img