Roko Vata vazhdon të bëjë emër në futbollin ndërkombëtar me fanellën e Irlandës. Djali i ish-kapitenit të kombëtares shqiptare Rudi Vata, sot ka bërë debutimin e tij me U21 dhe ka lënë menjëherë shenjë.
I aktivizuar si titullar në sfidën kundër San Marinos, në ndeshjet eliminatore të Euro 2025 të kësaj grupmoshë, Vata ka treguar se është gati për skenat e rëndësishme.
Ai gjeti avantazhin për skuadrën e tij në minutën e 8 të sfidës dhe në minutën e dytë shtesë të pjesës së parë, dyfishoi rezultatin për ekipin e tij.
Irlanda e mbylli ndeshjen me fitoren 3-0 të kësaj sfidë dhe tashëm është në vendin e parë në grup me pikë të barabarta me Norvegjinë me dy fitore në po aq ndeshje të luajtura.
Për t’u theksuar është fakti, se ndërsa Roko Vata, vazhdon të shkëlqejë qoftë me ekipin e parë të klubit skocez, Sëlltik, si dhe tashmë edhe në kombëtaren U-21 të Irlandës, nga FSHF, akoma nuk ka një ftesë për t’u veshur kuqezi.
