Akademia Futbollit Bashkimi e drejtuar nga kryetrajneri Ervin Alushi, mori pjese në Turneun Ndërkombëtar të futbollit të moshave organizuar pasditen e sotme në Kompleksin Sportiv “Zmijani” Shkodër.
Në rivalitet me ekipe të moshave nga Shkodra, Mali i Zi dhe Maqedona, spikatjen më të madhe e bënë ekipet e KF Bashkimi.
Falë paraqitjes shumë pozitive, ekipet e kategorisë U-9 dhe U-11 nën drejtimin trajnerëve Ervin Alushi,Valentin Kola dhe Taulant Nikshiqi u shpallën fitues duke merituar kupat përkatëse.
Vlen të theksohet se aktiviteti në fjalë u zhvillua, jo vetëm me një luftë të fortë sportive, por edhe me harmoni dhe miqësi ndërmjet ekipeve pjesëmarrese, të cilat deklaruan se do të vijojnë bashkëpunimin e organizimit të aktiviteteve të përbashkëta, qoftë në Shkodër, apo në Mal të Zi dhe Maqedoni.
Krahas të tjerave, trofeu në fjalë i shërbeu ekipeve pjesëmarrëse si një mundësi më shumë në përgatitje për fillimin e kampionateve respektive.
